HOME > 新手上車 > ​買海外樓 抱住呢個心態好易中伏!

​買海外樓 抱住呢個心態好易中伏!

1% Anthony
2019-02-27
香港樓貴到離地,好多人選擇買海外樓,日本、泰國、馬來西亞,現在甚至有人買越南。因為同樣百幾二百萬,但人地的單位更大更靚,去到展銷廳人人都雙眼發光。但係買海外樓抱住呢個標準去買,好易中伏﹗



同香港比,咩樓都平架啦,用呢個標準去買海外樓,好易中伏!

好多朋友都有自住樓,想買多幾間收租,辣招勒住買唔到,於是就諗海樓,好多睇完展銷會,都會雙眼發光,真人真事

朋友: 有冇興趣去睇吓越南樓?
筆者: 一般啦~~
朋友: 好平喎!
筆者: 點平法?
朋友: 呎價港紙2,500至6,000咋!
筆者: 點解你會覺得平?
朋友: 好靚地段,200幾萬港紙就買到800呎喎!
筆者: 好明顯你係同香港比~~
朋友: 唔應該咁睇咩?
筆者: 同香港比,乜都平架啦!應該同番海外樓比嘛
朋友: 例如呢?
筆者: 响大陸,呎價2、3000已經可以買到二線大城市!
朋友: 係咩?
筆者: 呎價6000,除咗四大一線城市,幾乎全國任揀!
朋友: 咁又好似大陸發展勁啲喎
 
幾年前開始筆者與投資兵團已經到過不同國家考察
比較過不同地方,各有優劣,最後還是選擇大陸。

講價錢

很多朋友說:「XX而家價錢好平喎!」
正如前文所說,同香港比,全世界都平架啦!
如果不同國家之間比較,就會另有發現。

很多國家,例如現時比較熱門的東南亞國家,樓價不算便宜,例如朋友講的越南樓呎價HK$2500~6000,又例如筆者在泰國優質地段睇過幾個樓盤,呎價約HK$5000~7000,跟香港樓比或者你會覺得平,但跟一班前輩炒家走遍大陸廿多個城市之後,就發現原來這個價錢不算便宜,例如呎價HK$3000左右,很多二線大城市都買得到,近近哋佛山、東莞市中心都係HK$2000幾,夠膽行遠啲,例如長沙、武漢都係咁上下。甚至有些很有潛力的城市,HK$2000以下都有。去到HK$6000幾,選擇更多,基本上除了北京、上海、廣州、深圳4個一線大城市,全國任揀,例如上海週邊的二線大城市,蘇州、杭州、南京等,遠遠唔使呢啲價,HK$4000左右都有好多選擇。
 

講發展

很多朋友說:「嚟緊一帶一路嘛,XX發展潛力好勁!」

之前有文章分享過,去到東南亞國家樓盤的展銷會,你會發現幾乎個個都會話自己係一帶一路的中心,都唔知邊個先真,但諗深層,一帶一路係邊個國家發起?投資源頭似乎穩陣啲喎!
筆者都相信,東南亞國家會隨着大陸工廠外遷,一帶一路的實現等而不斷發展,問題是現時的價錢,例如呎價HK$3000~7000,是否已經反映了利好因素呢?投資就是想賺錢,如果想再升一倍,呎價去到HK$6000~14000,機會有多大?要多少時間?會唔會HK$2000左右的大陸二線城市水位高啲呢?
 

講市場

很多朋友說:「大陸法制好唔完善喎!」
通常我都會問:「點解你覺得XX會好完善呢?」
朋友通常都無言以對!

香港是一個非常成熟的市場,有得玩梗係玩香港先,冇得玩要跑出去搵機會,其實發展中國家,包括大陸及東南亞國家,都冇香港咁完善,邊個好啲,邊個差啲,各有各的見解。朋友說大陸唔完善,只是因為我們聽過很多負面新聞,知道有那些不完善。至於其他國家可能都會有唔完善的地方,例如甚麼爛尾、搵笨等等,只是我們在香港比較少聽到這些新聞,當冇事而已!實情英國都有爛尾啦,我們沒留意而已。到外地買樓,一定要處處小心,還要控制注碼,其實大陸近年都完善咗好多啦,尤其一手監管更嚴。

講印象

很多朋友都說:「大陸冇自由,又多食物有毒
通常我都會問:「你自己住咩?」
朋友通常都無言以對!

筆者明白的,負面新聞我都睇到好多,至於自由行、大陸旅客帶來的負面印象,因為筆者住在九龍站,每天都見到。問題是買樓是投資賺錢,最多都係租俾當地人,關我咩事呢?
 

講政策

很多朋友都說:「大陸好多政策調控樓市
通常我都會問:「點解你覺得XX唔會有政策調控樓市呢?」
朋友通常都無言以對!

辣招不是香港專利,也不是大陸專利,作為一個負責任的政府,只要發現樓市出現泡沫,就應該調控,例如你買入的東南亞國家,假設炒風熾熱樓價急升,難道會袖手旁觀嗎?政策風險肯定會有,靠炒風來賺錢並不健康,最重要還是自己做好基本分析,例如每個城市的經濟實力、發展、市民購買力等等,作出理智決定。
 
海外樓各有優劣,讀者宜自己細心分析選擇。
筆者亦經過長時間的考察、分析,唔代表你要跟。
最少見到很多二線城市的經濟實力很強,發展好快,市民收入升得快,購買力更加是嚇死你,最少自己熟悉,合約、語言都是中文,最少有前輩帶住搵食,前輩真係炒咗幾十年,賺咗好多錢。
很多時別人講的都不能盡身,一定要自己親上去感受一下,返大陸實地視察機會,總容易過去其他東南亞國家。有機會可以一齊參北上睇吓了解吓。

★ 1% 地產投資.免費講座 ★
★ 題目:跌市執平貨  最後召集  

講座精彩內容:

。樓市急跌後反彈 係咪最後入市機會?
。手上有資金,應買香港樓還是大陸樓?
。2019年資產點佈局?
。邊一類物業最有升值潛力? 
。點搵到低水筍盤?
。中港點借按揭?如何運用槓桿倍大資產!
。點避免買中爛尾樓、買賣陷阱?

日期:3 月 7 日(四)7~10pm
主題:大陸樓
講者:Giano Sir - 在全國坐擁幾十層樓,幾萬元起家,到逾億資產,超過30年投資大陸樓實戰經驗,助大家物色筍盤,避開投資陷阱!

日期:3 月 15 日(五)7~10pm
主題:港樓
講者:1% Anthony - 資深物業投資者,多次成功捕捉樓市高低位,曾為TVB【有樓萬事足】【Ben Sir 睇樓團】等顧問,不少同學成功發掘低水筍盤。

地點:佐敦
留位:65330710-Cola、61554753-Olivia、69960525-葉小姐(歡迎 Whatsapp)
 


*****************************************************

 

關於【1% 投資培訓】
過去 9 年...協助無數年青人成功上車,協助無數小業主賺取千萬資產,財務自由!


立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

 

 

更多精彩文章!立即 Like and Share
第一桶金專頁 
www.facebook.com/anthony.wealth
第一桶金網站 www.daydaygain.com



相關文章