HOME > 高手投資 > 打造千萬物業組合 月入要幾錢先夠?

打造千萬物業組合 月入要幾錢先夠?

1% Anthony
2019-02-28
物價飛升,現在擁有百萬身家都未必夠洗,要稱上中產,可能最少都要千萬身家。單靠打工難以實現,在錢搵錢的世界裏,No Money No Talk,要打造一個千萬元的物業組合,究竟月入要幾錢先夠?



如果早十年八年起步,千萬資產好容易!
十年前,金融海嘯剛剛過去,樓價仍然很平,不少上車盤,百多萬就有交易,也沒有辣招。記得那時候我們剛剛開班教買樓,轉眼就十年了,早期的學員,隨隨便便都可以買兩三間,第一城、河畔、得寶、荃中高位都升到500萬了,輕輕鬆鬆就擁有千萬資產。
今天樓價高了,也多了很多辣招,要如何做到呢?
其實也不難,先分享以下幾個方向
 

Level 1:一間1000萬物業

一般人買樓為求自住,安居樂業。
所以Level 1就以一個純自住的單位單算,以1000萬計算,最多借5成,月供大約2萬元,計算壓力測試之後,家庭月入要求大約4.7萬,公一份、婆一份,相信很多家庭都能夠達標,不過最大問題是首期要求比較多,要有500萬,冇喎!點做呢?
去年Q4開始樓市調整,再進取一點,鋤低兩成入市,買一個有升值潛力,約800萬的單位,可以借6成,首期320萬就可以,月入要求下調至大約4.5萬,幾年後樓市回升,千萬資產就到手了。
可能你會說,320萬首期也不容易啊!
其實也很簡單,以樓換樓的概念,基本上走一轉就做到了!
假如你可以把握今次跌市,買入一個600萬以下的物業,最多可以借8成,首期只需要120萬左右,幾年後只要物業回升兩至三成,假設賺到150萬,加上首期 120 萬,加上未來幾年供樓本金又有幾十萬,幾年後賣出單位,基本上已差不多達標了!
最重要是把握今年跌市,買一個賺錢筍盤!努力啊!

Level 2:兩間或以上500萬物業

一家人有錢出錢,有力出力,更易達標!
例如有個學員,由於弟妹長大,出來工作了,想要自己的房間,但要買個四房單位,談何容易呢?新樓是天文數字,舊樓又好少有咁大,於是決定在同一幢大廈,買兩個兩房單位,一間用自己名買,自己與父母同住,另一間用弟妹名買,給弟妹住,由於在同一個屋苑,方便互相照顧,甚至每晚可以一起吃飯。
最近樓市調整,很多之前賣500多萬的二手樓,400多萬有交易,簡單一點以450萬計,最高借8成,首期90萬,月供約1.4萬,計算壓力測試後月入要求大約3.5萬。自己名買那間,自己月入有3.5萬就搞定,另外一間給弟妹的,兩人加起來夠3.5萬又搞定,待幾個月後,若樓價回升至500多萬,千萬資產又到手了。
又有朋友問,如果家人沒有自住需要呢?
那可以一間自己住,一間投資收租呀!
當然計算方法有點分別,收租要求不同,有機會詳談。
市場上很多夫婦都這樣,老公一間,老婆一間,一間自住,一間租客幫你供,更輕鬆呢!甚至有些朋友更進取,兩間都收租,自己出去租樓住,做雙租族!兩間500萬,靈活性比一間1000萬高。

Level 3:一間600萬港樓 + 其他物業

如果家人都有物業,靠自己又可以點做呢?
其實都唔難,不過就要跳出Comfort Zone,學多一點!
首先自己有名額,當然可以先買一間港樓,假設之前賣600多萬的物業,樓市調整跌到500萬,首期約100萬,月供約1.6萬,計算壓力測試之後,月入要求約3.8萬。
餘下資金,可以考慮非住宅物業,例如工廈等。
亦可以簡單一點,買間有升值潛力的大陸樓。
例如幾個月前筆者買的單位,總價約130萬人民幣,呎價約1,300元,首期約40萬,月供幾千元,月入要求萬多元就夠了。幾年後貿易戰打完,城市不斷發展,樓價翻一倍,呎價才2,600元,比很多東南亞國家還要低,相信不難達標,到時一間香港樓,加一間大陸樓,資產千萬的目標又已達到了。
 
當然還有很多更進階的方法,甚至空手奪白刃,活動再分享。
過去我們無數學員都做得到,相信你都可以。
最重要是趁樓市調整,踏出第一步!


 

★ 1% 地產投資.免費講座 ★
★ 題目:跌市執平貨  最後召集  

講座精彩內容:

。樓市急跌後反彈 係咪最後入市機會?
。手上有資金,應買香港樓還是大陸樓?
。2019年資產點佈局?
。邊一類物業最有升值潛力? 
。點搵到低水筍盤?
。中港點借按揭?如何運用槓桿倍大資產!
。點避免買中爛尾樓、買賣陷阱?

日期:3 月 7 日(四)7~10pm
主題:大陸樓
講者:Giano Sir - 在全國坐擁幾十層樓,幾萬元起家,到逾億資產,超過30年投資大陸樓實戰經驗,助大家物色筍盤,避開投資陷阱!

日期:3 月 15 日(五)7~10pm
主題:港樓
講者:1% Anthony - 資深物業投資者,多次成功捕捉樓市高低位,曾為TVB【有樓萬事足】【Ben Sir 睇樓團】等顧問,不少同學成功發掘低水筍盤。

地點:佐敦
留位:65330710-Cola、61554753-Olivia、69960525-葉小姐(歡迎 Whatsapp)
 


*****************************************************

 

關於【1% 投資培訓】
過去 9 年...協助無數年青人成功上車,協助無數小業主賺取千萬資產,財務自由!


立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

 

 

更多精彩文章!立即 Like and Share
第一桶金專頁 
www.facebook.com/anthony.wealth
第一桶金網站 www.daydaygain.com



相關文章