HOME > 高手投資 > ​無樓睇單位 博唔博得過?

​無樓睇單位 博唔博得過?

1% Anthony
2019-05-30
樓市旺時睇樓,鎖匙盤買少見少,只能看相就要決定是否購買單位,這情況下,大家會不會冒險去買呢?

讀者來信

Anthony Sir你好,最近樓市真的旺了,每次假日出去睇樓,都見到很多人同時睇,很多地區的代理都說冇匙,甚至冇樓睇,就咁俾啲相俾啲資料我,就叫我考慮吓買,睇都未睇過,點買呀?其實冇樓睇的情況普遍嗎?你會如何處理呢?會冒險去買嗎?
 

回覆讀者來信

樓市轉勢,很多地區都缺鎖匙盤,甚至冇樓睇!

未必個個讀者都知道是甚麼回事,首先簡單解釋一下,放盤可以有幾個不同的狀態:(1)最理想的是「鎖匙盤」,意思是住戶已搬走,業主將鎖匙放在代理行,可以隨時上門睇;(2)其次是「約睇」,意思是住客尚未搬走,不能隨時睇,不過可以約時間,例如等住戶放工晚上睇,或等住戶放假星期六日睇;(3)最差是「無樓睇」,意思是無法安排睇樓,最常見可能是有租客不便開門,亦有可能是業主嫌煩唔想開門,例如工作時間長經常不在家等。

無樓睇 風險高嗎?

對很多人來說:「大拿拿幾百萬買層樓,點可以唔睇清楚?」
現實是:「有乜好睇?投資者買樓經常都唔睇樓!」
先拆解無樓睇有甚麼風險?
二手物業買賣,是按現狀交易的,換句話說,你睇樓的時候單位的狀況如何,收樓的時候都應該是這樣的,如果冇樓睇,即是說無論單位內隴狀況如何,你都要照單全收!你一定會問
「如果單位好殘舊點算?」
「如果隨單位附送的電器壞咗點算?」
細心想想,重要嗎?
單位殘舊?裝修囉!電器壞了?買過囉!
樓價不斷攀升,就算普通一個上車盤都要5、600萬,其實2、30萬裝修費用,2、3萬換過全屋冷氣、電器,其實並不是大數目,如果可以平5~10%,買平幾十萬,就算要裝修換電器,都隨時有賺啦!
 

有些情況 不能不睇

例如,你的預算很緊絀,沒有多餘資金為單位大裝修、換電器,那就必須要看清楚了;又例如,你很害怕裝修;又例如,你買的是一些相對比較高危的單位,例如一些樓齡比較舊,屋苑管理質素比較差的單位,又或者一些容易出現嚴重漏水情況的連天台、平台特色單位等等,都應該要盡量看看。


 

有些情況 無樓睇其實冇乜問題

一個情況是連租約買,買入單位的目的是出租,既然有人租,何須緊張呢?以前筆者買連租約物業,試過好幾次,由買入到賣出,租客都未離開過,我根本就從來都冇入過屋,有何問題?
另一種情況是打算全屋裝修自住,就算有裝修,有電器,都未必啱你心水,入到屋你都會將固單位炸毁,又何須介意呢?
 

最緊要平 我買樓唔睇多過睇

由於很多人對於無樓睇都很擔心,因此如果你能夠唔睇,相對競爭者會比較少,一般都會比有樓睇的單位平些少,旺市個個顛搶就冇得講啦,但市況差的時候甚至可以低5~10%。只要你平時睇夠多,例如屋苑其他單位你都睇過,甚麼座向、景觀,普遍單位的內隴狀況,都心中有數。有些無樓睇的單位有相,雖然可能唔Update,但最少有參考,有些連相都冇,就要再小心點。如何可以做好準備功夫,唔睇樓都可以買到筍盤,往後在講座活動再跟大家分享。
 

★ 1% 地產投資.免費講座 ★
★ 題目:侵侵開戰  執平貨機會又來  調整市致戰攻略  


講座精彩內容:

。貿易戰展開 中港樓市仲有冇得升?
。CCL快將破頂 應採什麼策略?
。手上有資金,應買香港樓還是大陸樓?
。邊一類物業最有升值潛力? 
。高位追貨有乜技巧?點搵低水筍盤?
。中港點借按揭?如何運用槓桿倍大資產?
。點避免買中爛尾樓、買賣陷阱?
。如何透過工廈投資賺取每年逾20厘回報?

日期:5 月 31 日(星期五)7~10pm
主題:港樓及工廈  黃金組合回報跑贏大市
講者:1% Anthony - 資深物業投資者,多次成功捕捉樓市高低位,曾為TVB【有樓萬事足】【Ben Sir 睇樓團】等顧問,不少同學成功發掘低水筍盤。

地點:佐敦
留位:65330710-Cola、61554753-Olivia、69960525-葉小姐(歡迎 Whatsapp) 


*****************************************************

 

關於【1% 投資培訓】
過去 9 年...協助無數年青人成功上車,協助無數小業主賺取千萬資產,財務自由!


立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

 

 

更多精彩文章!立即 Like and Share
第一桶金專頁 
www.facebook.com/anthony.wealth
第一桶金網站 www.daydaygain.com

 
 


相關文章