HOME > 輕鬆買樓 > 封殺甩名 有用咩?

封殺甩名 有用咩?

1% Anthony
2019-07-10
政府為遏抑樓價,無所不用其極,最新又放風話要封殺甩名。


近日不少朋友討論財爺放風想封殺甩名
朋友: 政府想出招封殺甩名喎!
筆者: 財爺開聲當日已經收到好多代理同戰友Whatsapp啦。
朋友: 你覺得有咩影響呢?
筆者: 對我自己同學員影響唔大。
朋友: 點解嘅?
筆者: 一早甩晒啦!
朋友: 咁快?
筆者: 每逢高位我哋都會提學員轉按甩名喎,舊年都有提你架。
朋友: 係~~老婆講極都唔明。
筆者: 都唔緊要嘅,到時最多咪賣樓囉,哈哈!
 

上一代家庭觀念較重,聯名買樓幾乎是必然的事!

對一般市民說,買樓是人生大事,亦是一個家的象徵,老公買樓,當然會加埋老婆名,唔加名總會覺得唔舒服,心裡有條刺。父母買樓,都會加埋仔女名,很多時候還會用長命契的形式,萬一有咩冬瓜豆腐,親人可以即時接收物業,不用處理遺產承辦手續。最近有位學員買樓,買樓前才發現,原來父母的單位,很多年前加晒佢幾兄弟姐妹的名,一個單位有晒5個家庭成員名!

甚麼是甩名?點解要甩?

近年樓價不斷上升,政府、政客將矛頭指向需求,而不是供應。於是不斷推出需求管理措施,早年的雙倍印花稅、買家印花稅,直至近年非首置15%辣稅,目標是盡量加重買樓成本,令買家唔買樓。然而隨着經濟發展,剛性需求不斷增加,加上財富效應,投資需求亦與日俱升,市場購買力很強。於是很多早年聯名買樓的家庭,爭相甩名以附合首需求,例如一對夫婦,聯名持有一個物業,兩個都是業主,兩個都有樓,如果任何一個想再買多層樓收租就要付15%辣稅,於是他們就會去甩名,或稱拆名,意思是其中一人將他手上的一半業權轉讓給另一人,例如老公將半層樓的業權轉讓給老婆,物業就由老婆全權擁有,老公就回復首置清白之身,可以再買多個單位投資收租,此為甩名,財爺卻稱之為自製首置,更有議員建議甩名後5年不能以首置身份入市。
 

家庭觀念重的市民,將要受政府嚴懲!

鬼叫你對老婆咁好?加埋佢名?唔淮你買樓!
鬼叫你對仔女咁好?加埋佢哋名?唔淮你買樓!
或者可以減少需求,但情理上完全講唔通!
老公老婆聯名還好,但如果兩代人聯名呢?以上述一家五口的例子為例,父母早年買入的單位,出於家庭觀念重,加埋幾個仔女名,現在仔女大了,需要買樓成家立室,Sorry!唔可以!財爺說你們是自製首置,唔淮買!有何道理?

若惡法通過,有甚麼影響?

現時樓價不斷上升最主要原因,是供應不足,與及財富效應,市民財富增加,有錢冇地方洗,總要搵方法買。
最直接見到的情況是
  • 短期內會有大量聯名業主趕往辦理甩名買賣。
    市場上會出現很多假成交,樓價會拉升還是會推跌,要視乎甩名者態度,正常情況下會將買賣價定低些少,以減少買賣印花稅,成交均價就會下跌,醒目買家會將買賣價高些少,順便可以做加按套現,那麼成交均價就會上升。
  • 趕不及甩名的會出售手上物業,甚至自住樓。
    相信政府的目標,是不想見到家庭透過甩名買多層,而不是阻止家庭換樓,否則天下大亂!因此趕不及甩名的家庭,買樓前就要將手上的物業出售,例如夫婦俩人賣樓,再分別入市。賣樓數字會增加,不過賣樓其實為買樓,賣完又會再買,影響不大。
  • 有人說會像大陸早幾年出現假離婚,筆者估計又未必會呱!
  • 整體樓價影響不大
    有幾多人要透過甩名買樓?筆者估計不多!因為要甩的,其實一早已經甩咗!到現在還未甩的,可能是未有打算再買,又或者未有能力再買,有朝一日他們想買的時候,可以將物業賣走,因此筆者估計為數不多,貫徹政府樓市政策,門面功夫!
  • 買唔到住宅,唯有買其他物業!
    若政策通過,買住宅更難,如果想繼續資產增值,不得不擴闊自己的視野,學習投資其他磚頭。例如筆者與學員,近年已經逐漸轉型,除了住宅之外,投資大量資金在工廈、商廈上,另外亦會有人投資車位、商舖。還有就是海外物業,包括我們最擅長的大陸樓等等,相信會再掀起新的投資潮流。


 
★ 1% 地產投資.免費講座 ★

★ 題目:下半年樓市拆局  物業投資最新部署  


講座精彩內容:

。貿易戰暫告一段落 下半年中港樓市何去何從?
。反送中浪潮會否對樓市造成衝擊?
。CCL會否破頂? 仲有冇機會低吸筍盤?
。想財務自由  如何打造投資組合?
。邊一類物業最有升值潛力? 
。高位追貨有乜技巧?點搵低水筍盤?
。中港點借按揭?如何運用槓桿倍大資產?
。點避免買中爛尾樓、買賣陷阱?

日期:7 月 18 日(星期四)7~10pm
主題:大陸樓  物色潛力低水城市
講者:Giano Sir - 在全國坐擁幾十層樓,幾萬元起家,到逾億資產,超過30年投資大陸樓實戰經驗,助大家物色筍盤,避開投資陷阱!

日期:7 月 26 日(星期五)7~10pm
主題:港樓  教你捕捉最佳入市時機
講者:1% Anthony - 資深物業投資者,多次成功捕捉樓市高低位,曾為TVB【有樓萬事足】【Ben Sir 睇樓團】等顧問,不少同學成功發掘低水筍盤。

地點:佐敦
留位:65330710-Cola、61554753-Olivia、69960525-葉小姐(歡迎 Whatsapp) 


********************************************************

關於【1% 投資培訓】
過去 9 年...協助無數年青人成功上車,協助無數小業主賺取千萬資產,財務自由!


立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

 

 

更多精彩文章!立即 Like and Share
第一桶金專頁 
www.facebook.com/anthony.wealth
第一桶金網站 www.daydaygain.com

 

 

相關文章