HOME > 天天睇樓 > 青衣 明翹匯 抵唔抵?

青衣 明翹匯 抵唔抵?

1% Anthony
2019-10-30
連續幾日都有同學問起,青衣 明翹匯 點睇?其實上個星期剛剛開盤的時候已經睇咗,一次過分享啦...



連續幾日都有同學問起,青衣 明翹匯 點睇?
其實上個星期剛剛開盤的時候已經睇咗,一次過分享啦!
 
知嘅!明嘅!
政府突然之間放鬆咗高成數按揭,大家好心急,驚樓價急速反彈,想快啲出手買嘢,就算係咁都唔好亂咁買嘛,好似明翹匯呢個盤,價錢雖然唔算貴,但真係真係睇唔到有多大錢景...
 
(1) 位置唔靚
項目位於美景花園隔離,熟悉青衣的朋友都知道,即是上咗山,筆者婆婆住在長康邨的老人院,不時都會去探佢,就响附近,所以頗為熟悉,事實上離港鐵站好遠,而且係大斜路,絕對行路唔到,要駁一程巴士或者小巴,區外人想買的話,必須要去現場實地視察,睇咗就明。再加上,區內以公屋居屋為主,前面所謂海景方向,大幅地會起綠置居,遮咗一半,睇唔到有好大發展空間。

 
(2) 未知風險
據報導,樓盤後山有個好大嘅斜坡,面積接近樓盤
10 倍咁大,重點是業主負責維修!唔知有責任有幾大,發展商暫時預留 3 千多萬作斜坡維修,除開每戶幾萬元,將來會唔會定時定候要挾錢搞真係唔知,最好先了解吓。加上發展商好新,代理會同你講,之前佢哋做好多豪宅,其實之前佢哋只係做建築,接過不少豪宅樓盤,不過人哋俾錢起樓,始終唔同自己俾錢發展,交樓質素如何未有參考。
 
(3) 價錢唔平
據資料顯示,呢個盤當年地價好平,係因為政府將維修斜坡成本計算在內,但似乎發展商冇平到俾業主。均價
15000,代理會同你講,平同區兩成!其實同盈翠半島比,位置爭咁遠,平兩成好合理,睇吓藍澄灣而家都係做緊 1.2-1.3 萬,炒唔起,同盈翠、灝景灣保持好大差距,點解同樣响山上嘅明翹匯會炒得起,會追到
盈翠、灝景灣價呢?代理又會話,呎價平過舊樓,即是同隔離美景比,好似沙田第一城咁,舊式屋苑細則係顛架啦,Lump Sum 細嘛,又同佢顛咩?
秤吓區,均價 15000,其實同康城差唔多,但係講到地區發展,真係爭好遠喎!


樓盤收飛都算多,點解?
代理話齋,青衣 15 年來首個新盤,我有唔少朋友都係葵青區 Fans,佢哋都話要抽


 
 
另外又有同學問掃管笏 珺瓏灣,比 明翹匯 仲唔抵!
第二張價單呎價過 1.6 萬,之前 尚源、OMA 開盤都係 1.1 萬,就算最近貴咗,都係 1.2 1.3 萬,呢個位置,點值呢?
 
樓盤收飛都算多,點解?
估計有幾個原因,除咗剛剛出咗政策,亦因為細則多 Lump Sum 細,最重要係仲有呼吸 Plan,冇返工嘅朋友都話抽,暈!
 
...新政策出台,要加快腳步,都唔好嘥錢亂買丫!
代理梗係乜都話好,我同 Brian Sir 就真係詳細研究過,自己都會出手嘅先同大家分享,同大家一齊作戰。講真,有把握嘅真係唔多,暫時淨係得之前响群組跟大家分享的幾個新盤計到數,計到可以賺幾多,筍盤唔多,有興趣聯絡 Brian Sir 安排啦,只限同學。

如果你都想幫你朋友把握今次的機會,買樓上車,歡迎我哋講座,不過 7/11 嗰場已經 Full 咗啦!如果想聽港樓實戰,就嚟 6/11 加場啦!




 
★ 1% 地產投資.免費講座 ★

★ 題目:危中有機  亂世下投資部署  


講座精彩內容:
。放寬按揭上限  買咩樓?點部署?
。反送中示威後遺症對樓市有何衝擊?
。劈價潮開始湧現 點搵低水筍盤?
。殺價 點樣低於市價入市?
。邊一類物業最有升值潛力?
。想財務自由 如何打造投資組合?
。中港點借按揭?如何運用槓桿倍大資產?
。如何避開買大陸樓陷阱?

日期:11 月 1 日(星期五)7~10pm
主題:大陸樓 -- 大灣區尋寶
講者:Giano Sir - 在全國坐擁幾十層樓,幾萬元起家,到逾億資產,超過30年投資大陸樓實戰經驗,助大家物色筍盤,避開投資陷阱!

日期:11 月 6 日(星期三)7~10pm(加場)
   11 月 7 日(星期四)7~10pm(Sorry!已經爆滿)
主題:港樓  -- 執平貨秘技
講者:1% Anthony - 資深物業投資者,多次成功捕捉樓市高低位,曾為TVB【有樓萬事足】【Ben Sir 睇樓團】等顧問,不少同學成功發掘低水筍盤。

地點:佐敦
留位:65330710-Cola、61554753-Olivia、69960525-葉小姐(歡迎 Whatsapp) 


********************************************************


關於【1% 投資培訓】
過去 9 年...協助無數年青人成功上車,協助無數小業主賺取千萬資產,財務自由!


立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain
 



更多精彩文章!立即 Like and Share
第一桶金專頁 
www.facebook.com/anthony.wealth
第一桶金網站 www.daydaygain.com

相關文章