HOME > 天天睇樓 > 萬科The Campton抵唔抵買?

萬科The Campton抵唔抵買?

1% Anthony
2020-05-22
呢幾日好多同學問 The Campton ,今日同 Brian Sir 去咗睇示範單位,馬上和大家分析值唔值博。



大家都知我哋唔係代理,十個新盤,九個都叫大家唔好買,但係呢個盤首張價單 值搏 !

位置幾好

深水埗靠近長沙灣,鄰近海峯、美居等,是區內比較靚嘅地段,相比同區,同 恆大睿峰 嘅東京街差唔多,靚過 愛海頌 嘅海壇街,當然冇 匯璽 咁靚但方便啲,算是中間偏好水平。唯一留意,樓盤要包埋區內營盤街的垃圾站,揀單位的時候避開低層呢個方向,多謝區內住的 Wince 師姐現場直擊

質素好靚

可能因為之前萬科嘅 柏傲灣 同 新世界 合作學到嘢,示範單位好有旺角 SkyPark 影子,感覺尚多,樓底夠高,空間感不俗,三房洗手間乾濕分離設計好正。會所唔算大,但幾啱年青人,除咗泳池健身室基本嘢齊,有幾個 Party Room,仲有電競室、KOL 拍攝室等,幾有新意

價錢幾抵

張價單即供 16K,建期 18K,相比 恆大睿峰 22K、 匯璽 23K、 利奧坊㬢岸 24K,平咗一大截!照計幾年後賣 21-22K 應該唔難,個人估計大約有 15% 水位,最醒神係佢個建期,以為自已睇錯,建議抽中嘅話問多次,難以理解... 5% 訂睇到尾

策略建議

現場所見,星期四下午返工時間都 爆到顛, 排隊睇示位要等成粒鐘,好在我哋有相熟代理高層帶我哋走後門,都幾肯定係難抽,同埋第二張價單會加價。建議 (1) 大家值得入飛一搏,有興趣的同學可以 聯絡 Brian Sir 安排 ,過往我哋嘅同學們都幾 好運 ;(2) 如果抽唔中,第二張價單又勁加價,唔使急,唔使盲追,轉車捕即將開盤嘅 大圍 。

相關文章