HOME > 高手投資 > 驚?而家唔買將來買唔到? ...恐慌性高追,因為冇選擇!

驚?而家唔買將來買唔到? ...恐慌性高追,因為冇選擇!

1% Anthony
2017-07-12
筆者: 「而家個市咁顛,新樓開價仲狠,遲啲個市靜啲先買啦。」朋友: 「我驚買唔到呀!」筆者: 「點會買唔到?」朋友: 「個個代理都話個市冇可能會回,會升到你唔信。」



本文於 2017 年 7 月 8 日刊於經濟一週網站 (
按此閱讀原文)
 
朋友: 「好耐冇見,想請教吓,XXX三房單位抵唔抵買?」
筆者: 「好貴喎,我覺得唔抵。」
朋友: 「咁買邊度好呀?」
筆者: 「識你咁多年,都冇聽見你話想買樓,乜咁突然?」
朋友: 「業主話要收番層樓,租約滿咗之後唔租啦。」
筆者: 「咁咪租過第二個單位囉,你都唔係第一次搬架啦。」
朋友: 「你覺得唔好買呀?」
筆者: 「而家個市咁顛,新樓開價仲狠,遲啲個市靜啲先買啦。」
朋友: 「我驚買唔到呀!」
筆者: 「點會買唔到?」
朋友: 「個個代理都話個市冇可能會回,會升到你唔信。」
筆者: 「佢哋賣樓梗係咁講架啦,如果話會調整仲邊有人買?」
朋友: 「個個朋友都係咁講,話而家唔買遲啲買唔到!」
筆者: 「市場一定有旺有靜嘅,定喎!」
朋友: 「好多專家都話樓市冇沫喎。」
筆者: 「你睇番舊年報導先啦,舊年個個都話跌架。」
朋友: 「但係如果真係繼續升咁點算?」
筆者: 「好驚咩?」
朋友: 「驚呀!」


 
其實大家都知道,今天樓價很貴!
二手屢創新高,一手開價更狠,越貴越多人買。
散戶總是這樣
去年樓市調整,就驚樓價繼續跌,唔敢買!
今年樓市發高燒,就驚樓價繼續升,幾貴都追!

 
其實以前筆者都試過
2008年初,樓市氣氛熾熱,筆者同樣試過鬼揞眼,不但沒有趁高位減持,反而在代理的游說下,再買多兩個單位,完全超出自己的能力負擔,幾乎捱不過金融海嘯,自此就知道不要太相信氣氛。之後幾年,樓市幾歷了多次起起跌跌,逐漸掌握市場節奏。
 
那次寶貴經驗,來自貪婪,抵死!
然而今次這一浪,來自恐慌,慘慘豬!

以朋友的情況為例,其實他沒有急切需要,過去多年都是租樓住,租多一年半載也沒甚麼大不了,為甚麼忽然想買樓呢?原因是驚將來樓價越來越貴,買唔到!這股力量比貪婪更大!
 
筆者今年趁高位賣了幾個單位,每個單位都創新高。
代理: 「賣咗幾個單位,有冇買番呀?有個新盤好抵
筆者: 「咁都話抵?唔係吓話?!」
代理: 「而家個市升到唔停,賺梗喎。」
筆者: 「唔買住啦,等個市靜啲先啦,我唔慣升市買嘢。」
代理: 「點會靜呀?個個新盤都排到開巷!」
筆者: 「到時想買話你知啦。」
代理: 「你唔驚到時買唔番咩?銀紙貶值喎!」
筆者: 「唔驚!我賣樓套現嘅資金,買晒工廈。」
代理: 「工廈好咩?」
筆者: 「最少唔貴,增值後每年回報15~20%,幾好丫。」
 
恐慌是因為今日唔買,將來買唔番!
恐慌是因為不擅於投資,沒有選擇!於是幾貴都追!

筆者並不擔心,因為投資於其他物業的回報,不會比住宅差,例如住宅樓價未來一年再升10%,只要你在其他投資的回報超過10%,理論上你就沒有損失。如果回報高過住宅樓價升幅,基本上有賺,如果住宅樓價真的調整,購買力更大幅提升,有乜好驚?
 
要尅服恐慌,最重要是拓闊視野,讓自己有更多選擇!
當然前提是你要熟悉、有把握,千萬不要自以為是,胡亂進行高風險的投資,例如瞓身投資細價股等,否則不如買樓好過。



★★ 1% 小本地產投資實戰。免費講座! ★★
★ 題目:新!另類磚頭…搵銀攻略!

 車位工商舖投資秘技 ★

。#住宅 樓價顛!辣招又多,資金冇出路?
 想 #倍增資產 另類磚頭…點可以唔識?
。#工廈 #煉金術!呎價勁低水,百幾萬有交易,點揀?
 轉用途!拆契!增值!快!識玩…佢最賺!
 實戰分享!2 年走一轉,回報勝收 10 年租!
 #商廈 中資瘋搶,交投熾熱…小本投資點揀?
。#商舖 #變身術!深度調整,價錢重返十年前!
 細價幾百萬舖重現,平過住宅…撈底好時機?
 如何變身增值?…兩三年倍升實戰分享!
。#車位 細細粒容易食?點揀?有乜陷阱?
。#財技 用公司投資技巧,突破人名、按揭框框!

講者:20 年投資經驗,工商舖天后 Laura
日期:7 月 14 日(五)7~10pm
地點:佐敦
留位:65330710-Cola、60980107-Icy(歡迎 Whatsapp)

請即 Like and Share
第一桶金專頁 www.facebook.com/anthony.wealth
更多睇樓圖片 天天都是睇樓天
第一桶金網站 www.daydaygain.com

#上車 #買樓 #住宅 #車位 #工商舖 #投資 #理財 #財務自由 #又住又賺 #AnthonySir
 

相關文章