HOME > 高手投資 > 暑假後樓市或調整 做好 2 大準備執平貨

暑假後樓市或調整 做好 2 大準備執平貨

1% Anthony
2017-08-16
我倆月入約 40,000,供一層上車盤不是問題。 如果樓市真的調就好了,這刻我應該做甚麼準備呢?


本文於 2017 年 8 月  4 日刊於經濟一週及Yahoo財經網站
名為「暑假後樓市或調整 而家係時候睇定樓
按此閱覽

樓市將調整 做好入市準備

讀者來信

Anthony Sir: 你好,我一直有拜讀你的文章,最近你提到樓市有轉勢跡象,是真的嗎? 終於有機會上車了!其實我和女朋友兩年前開始儲錢買樓,已經儲了好幾十萬元;加上家人些少支持,相信首期不是問題。我倆月入約40,000元,相信供一層上車盤不是問題。 如果樓市真的出現調整,這刻我應該做甚麼呢?如何準備去迎接調整呢? 讀者Sunny Wong

回覆讀者來信

樓市不可能永遠上升,幾個月前,筆者已在本欄撰文,預期暑假之後或會有調整,當時身邊的朋友都不相信,近日市場確實出現一些轉勢跡象,比筆者預期的時間早了一些。 幾個月前,新樓盤銷情非常熾熱,向隅者打晒蛇餅,排幾個鐘頭才可以入場睇樓,相信讀者記憶猶新。 然而近日筆者與朋友睇樓,幾個新盤的展銷會,現場都非常冷清,即使是二手市場,放盤都明顯多了。 幾時跌?跌幾多?幾時入市最好?經常有網友問這幾個問題。 說實話,誰能未卜先知呢?每位專家、學者都有不同意見,好聽就是預測,難聽就是斷估。



準備一:係時候出去睇樓,揀定三個目標地區!
事實上幾時跌?跌幾多?要配合天時地利人和,到時先知,如果想趁樓市調整買樓,要先做好準備。
為甚麼投資者總能把握機會撈底?新手總是後知後覺,到樓市回升之後才去高追?
其中一個最大的分別是,投資者平時已做好準備,任何時候都會去睇樓,哪區有潛力,哪區適合住,哪區適合投資,早就心裡有數。
相反很多新手,見暫時樓價未跌,不是買樓時候,就懶得出去睇樓,懶得學習,樓市真正出現調整的時候,又怎會夠投資者快呢?
當你覺得:「係時候出手啦,等我約埋朋友出去睇吓邊區啱自己先!」 投資者已經做好決定,出票試價,甚至已經簽約!所以第一件要做的事,就是花多一點時間出去睇樓。 如果唔知到要睇乜,就趁這個時間找個前輩跟他學習。 睇啱樓盤後,還要計算好自己的買入價,跟附近的代理打好關係,一直監察着市場的變化,若真的出現調整,到你心目中的價錢,就要出手。

準備二:計定數,自己可以借幾多錢!
過去幾年政府不斷加辣,尤其是按揭方面,收緊又收緊,試想想,如果到時睇啱個單位,付了訂金,最後發現原來過唔到壓力測試,借唔到按揭,會有甚麼後果?隨時被迫殺訂,損失慘重! 辛辛苦苦儲來的首期,一下子就被殺了一大截,瞓都瞓唔著啦! 因此第二件要做的事,就是先計清楚自己的貸款能力,如果自己唔識計,就搵銀行幫手計。 除了計數外,亦要看看申請按揭所需要的文件是否齊備,例如有無稅單?有無強積金(MPF)?是否穩定收入?借八成定借九成呢?有無過去幾個月的入息證明? 做好準備,務求睇啱單位出擊的時候一擊即中,那就買得放心了。



★★ 1% 地產投資實戰。免費講座!★★
★ 新題目:買樓求槓桿!...按揭、財技,倍增資產!★


。1 生人 3 層樓...辣招下用盡槓桿變多幾層?仲得唔得?
。#住宅 如何用盡首置名額?拆名?轉名?
。#非住宅 點做按揭?公司名買可以再借?
。#大陸樓 點做按揭?最高仲可以借 7 成?
   香港借爆了,大陸、工廈仲可以買多幾層?
。#高成數按揭 如何借盡 8 成、9 成?又低風險?
。炒家財技 唔使首期、唔使供?8 年資產逾 100 倍!

講者:Dick Sir - 知名按揭證券公司高層
日期:8 月 18 日(五)7~10pm
地點:佐敦
留位:65330710-Cola、60980107-Icy、
   61554753-Olivia(歡迎 Whatsapp)


請 Like and Share
第一桶金專頁 www.facebook.com/anthony.wealth
更多睇樓圖片 www.facebook.com/groups/daydaycchouse
第一桶金網站 www.daydaygain.com

#上車 #買樓 #按揭 #槓桿 #高成數按揭 #投資 #理財 #財務自由 #又住又賺 #樓轉命運 #AnthonySir
 



相關文章